He Uiuitanga ki a Josh Te Kani, Kaihanga Tuarua o Noa Blanket Co
Ko Murray Crane te kaiwhakarewa i korero tata ki a Noa Blanket Co mo te waitohu me o raatau pono ki te ahurea, toi me te umanga. "He karere nui, whai take, he mea raranga huna ki tetahi hua ataahua o naianei."
He aha koe i whakahihiko ai ki te timata i a Noa Blanket Co a he aha te korero i muri i te waitohu?
Ko te kauhanga ahuahu o Noa, ko te kōingo nui kia hono anō a taipari atu ki a taitimu mai. Kia hua mai ai he ora ki ēra tai i pākia e ngā haukino o te wā. Ko te whakautu hoki i ngā pātai i rere i a rātou, ko wai ahau? Ko hea rā ahau? Nā wai hoki ahau? Ko te hapori whānui hoki tērā e whai wāhi nui mai ana ki te kaupapa nei mā roto mai i te noho tahi, mahi tahi, wānanga tahi kia tāuutuutu ai te ora o te kaupapa.
Nō māua hoki te maringanui i a māua anō. Ko te mārama o tētahi ki tētahi, ko te tau o te mauri, te ihonui o te hono, koinei ngā tumanako i whakatōria ki ō māua ngākau whaia rā hoki te whānautanga mai o ā māua poai e rua.
Ko te whai hoki kia mārama ō māua iwi ki te mana kei a rātou ki te tuku iho i ngā taonga i tukuna iho ki a rātou. Kia rukea ai ko te kura huna o aua kōrero rā hei ārahi i a tātou i te ao nei.
Ka toko ake i a māua tēna, kia whiria mai he taonga tuku iho hei koha mā māua ki te iwi nui tonu. Hei whakamahara hoki i te iwi ko wai rātou, ko hea rā rātou, nā wai hoki rātou. Ā, ka taka mai ko ngā taonga (paraikete) nei hei whakahoki i te kaupapa ki tōna anō taketake.
Ko te tiimata i te pakihi ehara i te mea ngawari. Ka taea e koe te korero etahi wero motuhake i pa ki a koe i te timatanga o te hanga i a Noa Blanket Co, me pehea koe i hinga ai?
Ko te whakapono ki a māua anō tētahi taupā.
Ko te whakarongo ki te puku, ki te ngākau me te hinengaro i te wā kotahi he mahi uaua. Ko te āta wetewete me te āta tātari i ngā tini putanga o te kaupapa tētehi anō taupā. Me te aha, kei te ako tonu māua ki te whakarongo ki a māua anō kia noho mātuatua mai ai ko te kaupapa.
Ko nga awenga ahurea i roto i o paraikete he kaupapa kaha, he aha etahi atu huānga i whakahihiko i o hoahoa paraikete?
Ko te hitorea māori tēra i noho mai hei kāpura whakahika i te ahi o whakaaro.
Ko te whai wāhi atu ki te kauhau i te rongopai a ngā tīpuna kia hou ai tō rātou rongotoa ki ā rātou uri. Kia mōhio hoki ai ngā uri nō wai ngā pakihiwi e tū nei rātou.
Ko te taonga nei ko te paraikete he taonga i maimoatia rā e ngā whakareanga maha i te hitorea o te motu nei. He mea whakaaweawe ngā taonga nei e ēnei hitorea.
He mea nui te Taumahi me te Puka ki tetahi hoahoa. Me pehea koe e whakarite ai kia taurite te hoahoa o ou paraikete i waenga i te ahua me te whakamarie?
Ko te kōingo nui kia noho māori atu ngā taonga nei ki ngā kāinga maha o te motu, o te ao. Kia kitea mai ai ngā tohu o ngā tūpuna e whiria mai ana ki ngā paepae o ngā taonga nei. Heoi e tika ana kia kounga te hanga o ngā taonga nei, kia tūria ai ngā hau, ngā tai, ngā aha, ngā aha o te taiao. Kia mahana ai te kiri, te tinana, te ngākau me te hinengaro.
Tēra hoki ngā tini taera whiri. Ko te taera taketake tēra, ko te taera whānui tēra, ara atu, ara atu. Kei ia taera whiri ōna anō hitorea, ōna anō tikanga, ōna anō tukanga anō hoki. He tohu tēnei o te tini o ngā ara e taea ana e ngā taonga nei.
Ko te whai kia noho tuakana mai te taiao i ā māua mahi katoa. Kia toitū ai te mana o te kaupapa. Kei tēna moka, kei tēna moka o te motu ngā puna whāngai i te kaupapa. Ko te take e pēnei ana, he hiahia nui nō māua kia tika ai te huarahi hora i ngā paraikete nei. Mā roto mai i te mahi tahi ki ētehi pakihi me ētahi kaporeihana e whai koha ana, ā, e whai whakaaro hoki ana ki te toitūtanga o te taiao.
Korerohia mai ki ahau mo to tapanga, ka maumahara ahau ki tetahi tapanga mira taketake - koinei te mea whakaawe?
Kei ia whenu ōna ake kōrero, ōna ake tikanga, tāna ake mana. He mea whakaatu ēnei kōrero, tikanga, mana mā te tuitui i aua whenu rā kia hua mai ai ko te taonga nei. Hāunga rā ngā tukanga hou a te ao hou ko te āta tātari i te kounga o ngā taonga nei mā te kanohi hōmiromiro i noho mai hei mahi matua mā māua. Kia kore ai e heke ki taumata kē engari ko te wero tonu i te tihi o angitū kia eke ki taumata atu anō.
He aha to tirohanga mo te heke mai o Noa Paraikete, a he mahere whakahihiri, he kohinga kei te heke mai ka taea e koe te tiri ki a matou?
Kei kura tawhiti māua e titiro ana i tēnei wā. Kia pai ai tā māua pātai ake ki a māua anō, ki hea inaeanei?
Nō Noa te maringanui ki te noho mai hei kaihoko matua i ngā taonga nei ki te motu, ki te ao. Nā konā i whakaaro māua ki te whakarewa i tētahi terenga hou. He terenga e wātea ana ki tēna, ki tēna i ngā wā katoa. E karangatia ana te terenga nei ko Limitless, hei tohu i taua wātea rā.
Nō mātou hoki te maringanui i whai wāhi ai māua ki te whakapakari i a māua anō. Mā roto mai i te whanake tahi, i ako tahi, i te aro tahi ki te kaupapa kia mauroa ai te ora ki ēnei taonga. He waimarie hoki nō māua i ngā tini piki me ngā tini heke o te kaupapa e whai akoranga hou ai māua.
Ā mō te Akuhata e tū mai nei rewa ai te mahinga tahi tuatahi a Noa me tētehi atu kia puta ai he taonga hou hei mātakitaki mā te ao.
Ki te ako atu mo nga mahi a Josh Te Kani me Noa Blankets tirohia to ratou paetukutuku i konei: Noa Blanket Co
View more Dispatch posts
Back to DispatchGurkha Trouser
The British Gurkha regiments in service to Britain were renowned as the bravest of the brave and won a remarkable 26 Victoria Crosses for courage under fire. The Gurkha Trouser,...
Lottie Consalvo
If you're visiting the Auckland Art Fair make sure you check out the works of Lottie Consalvo. Based in Australia Lottie showcases her works in New Zealand, New York, and Paris. Her...
Introducing Astorflex
Born in Italy in 1984, Astorflex stands for meticulous craftsmanship and eco-conscious practices. From the beginning, the brand has emphasized utilizing locally sourced materials and traditional production methods, ensuring quality...